susuka ka ng dugo sa pagbabayad ng utang
para kang robot o kaya'y makina sa ilang
walang direksyon sa buhay, ang kapara'y tikbalang
tila baga ako'y araw-araw na pinapaslang
kumakayod lang upang makapagbayad ng utang
kumakayod ako upang may pambili ng bigas
upang makakain ang pamilyang mahal kong wagas
upang may pambili ng kahit lata ng sardinas
upang makabayad sa mga inutang kong prutas
kayod ng kayod hanggang sa hininga ko'y mautas
ako'y manunulang wala nang nalilikhang tula
kayod ng kayod kahit ang katawan ay magiba
upang makapagbayad ng utang, lagi nang patda
trabaho ng trabaho sabay sa alon at sigwa
dahil sa utang, buong pagkatao'y masisira
paano babayaran ang utang na tila salot
na nagdulot ng pagkabalisa't pagkabantulot
na pag di agad nabayaran ay saan aabot
laging pagkakayod-kalabaw ba ang tanging sagot
upang mabayaran ang utang na katakut-takot
- gregbituinjr.
Mag-subscribe sa:
I-post ang Mga Komento (Atom)
Kung wala sa lansangan ay nasa aklatan
KUNG WALA SA LANSANGAN AY NASA AKLATAN kung wala sa lansangan ay nasa aklatan nasa loob ng daigdig ng panitikan ay, naroon muli ako sa aking...
-
MAY MADALING ARAW NA GANITO I ako'y biglang naalimpungatan nang may kumaluskos sa pintuan ang balahibo ko'y nagtayuan di mawari ng p... -
ANG FROST O ANDAP Munting sanaysay at tula ni Gregorio V. Bituin Jr. Ang frost ba sa salitang Benguet ay andap? Ito ang nabasa ko sa balita ...
Walang komento:
Mag-post ng isang Komento