bumalik ang sigla ko bilang dating manggagawa
nang gadgarin itong karot na kusa kong ginawa
alalayan si misis sa proyekto naming handa
ang pinulbos na karot na ibebenta sa madla
sampung malaking karot bawat araw ang kota ko
sinubukan muna, dalawang araw nang ganito
dalawampung karot sa dalawang araw na ito
upang makarami'y kinse na kaya ang gawin ko
kayraming nakabilad, dinadapuan ng langaw
para bang uulan, araw ay lumubog-lumitaw
tama na muna, si misis ang sa akin ay hiyaw
tigil muna ang produksyon, sa akin ay malinaw
sa bawat araw, prinograma ko na ang gagawin
sampung karot tuwing umaga ang kukudkurin
bilang manggagawa, ang target kong kota'y tungkulin
sigla bilang dating obrero'y nagbalik sa akin
konti lang ang nakabilad, tigil na ang produksyon
habang nasa antas kami ng eksperimentasyon
sa pag-aaral ng pulbos na karot nakatuon
tagumpay nito nawa'y kamtin namin pag naglaon
- gregbituinjr.
Mag-subscribe sa:
I-post ang Mga Komento (Atom)
Nang hinuli ang mga hubad
NANG HINULI ANG MGA HUBAD Kay Balagtas: Ang laki sa layaw, karaniwa'y hubad sa bait at muni, sa hatol ay salat. Ngayon: Dah...
-
MAY MADALING ARAW NA GANITO I ako'y biglang naalimpungatan nang may kumaluskos sa pintuan ang balahibo ko'y nagtayuan di mawari ng p... -
ANG PAGHUHUGAS NG PINGGAN AY PANAHON NG PAGKATHA may napansin sa sarili / kung paano ba kumatha na habang nasa lababo, / may biglang nasasad...
Walang komento:
Mag-post ng isang Komento