ah, kayraming bawal sa tindahan
bawal ang tambay, bawal ang utang
malinaw ang pinatutungkulan
sinuman sa ating kababayan
ibig lang sabihin, magbayad ka
huwag bumili kung walang pera
tindahan ay di tambayan, di ba?
kahit pa maganda ang tindera
kayraming bawal dahil daw bisnes
nang kamalasan daw ay maalis
anumang di swerte'y winawalis
sa ganyang punto, sila'y mabilis
kung pagtambay lang ang inaasal
kung uutang na tinda'y matumal
ay aalis na lang kasi bawal
di makautang ng pang-almusal
- gregoriovbituinjr.
02.25.2022
Walang komento:
Mag-post ng isang Komento