BAWANG JUICE AT SALABAT
pagkagising sa madaling araw
ay nagbawang juice na't nagsalabat
habang nararamdaman ang ginaw
at sikmura'y tila inaalat
pampalakas ng katawan, sabi
sa dugo'y pampababa ng presyon
pinalalakas ang immunity
para rin sa detoksipikasyon
para talaga sa kalusugan
at panlaban din sa laksang pagod
nakatutulong maprotektahan
sa ubo't sipon, nakalulugod
upang sakit nati'y di lumalâ
upang katawan nati'y gumanda
ang anumang labis ay masamâ
kaya huwag uminom ng sobra
- gregoriovbituinjr.
10.20.2025
Walang komento:
Mag-post ng isang Komento